影片
更多
2010-02-21
49 浏览
早前知道荃灣有間平價意大利餐廳，但位置就比較隔涉，今日終於試咗，佢就係位於中染新城嘅Saizeriya“薩莉亞” 。原來薩莉亞源於日本，以走平價路線去享受高檔美食為宗旨嘅餐廳~~~未夠六點去到中染新城嘅薩莉亞，店內空間大，入面已經有唔少食客，但都唔洗等位，我哋兩個人仲可坐喺張四人卡位度添。餐廳職員唔多，入到去都無乜招呼，水都要自己出去斟，不過我哋又無乜所謂~~~餐牌食物選擇都好多，價錢真係好抵，我哋一共叫咗五樣嘢，落柯打後食物大約十分鐘內就到齊晒，都算幾有效率~~~粟米忌廉湯 ($12) - 個湯好“傑”，好重忌廉味，一般啦~~~辣味雞翼 ($20) - 有五隻雞翼，Size一般，辣得幾好食，正~~~香辣腸比薩 ($28) - 饀料略少，但好有多芝士味，口感一流，正~~~雞肉多利亞焗飯 ($24) - 表面充滿香濃嘅白汁加牛奶，配合鮮嫩雞肉，仲有好好食嘅日本米，值得推介~~~米蘭風味肉醬意大利粉 ($25) - 一上枱見到佢同餐牌張相完全係兩回事，肉醬小得很，意大利又有點硬不彈牙，唔得~~~整體嚟講，薩莉亞嘅食物水準稱不上是特別美味，最多只屬中規中舉，當然無得同Pizza Hut或意粉
未夠六點去到中染新城嘅薩莉亞，店內空間大，入面已經有唔少食客，但都唔洗等位，我哋兩個人仲可坐喺張四人卡位度添。餐廳職員唔多，入到去都無乜招呼，水都要自己出去斟，不過我哋又無乜所謂~~~
餐牌食物選擇都好多，價錢真係好抵，我哋一共叫咗五樣嘢，落柯打後食物大約十分鐘內就到齊晒，都算幾有效率~~~
粟米忌廉湯 ($12) - 個湯好“傑”，好重忌廉味，一般啦~~~
辣味雞翼 ($20) - 有五隻雞翼，Size一般，辣得幾好食，正~~~
香辣腸比薩 ($28) - 饀料略少，但好有多芝士味，口感一流，正~~~
雞肉多利亞焗飯 ($24) - 表面充滿香濃嘅白汁加牛奶，配合鮮嫩雞肉，仲有好好食嘅日本米，值得推介~~~
米蘭風味肉醬意大利粉 ($25) - 一上枱見到佢同餐牌張相完全係兩回事，肉醬小得很，意大利又有點硬不彈牙，唔得~~~
整體嚟講，薩莉亞嘅食物水準稱不上是特別美味，最多只屬中規中舉，當然無得同Pizza Hut或意粉屋比，但就好抵食，又唔收加一，如果對食意大利嘢要求唔高，都值得支持嘅！
张贴
