華嫂冰室 (皇廷廣場)

营业中

休息中

聽就聽左好耐華嫂冰室，因為一直係元朗太唔就腳而冇食過，觀塘店都已經開左一段時間，但離遠望，已經超多人。星期六既晏晝，我地兩位去食，大慨等左半個鐘。入到去就一定要食個番茄蛋菠蘿油，但可能期望太高，又未達到期望中既味道，但而心而論都的確幾好食，但就如果可以熱d，就一定會更好食。仲叫左個豬扒雞翼蕃茄湯通粉，整體黎講就好普通，味道不過不失，冇特別驚喜，但豬扒都尚算大塊既。野飲方面，我地叫左一樽樽裝奶茶，上面印有華嫂冰室四字，另外仲叫左杯茶走，我覺得兩樣都好飲既。我個人就鐘意樽裝多d，男朋友就鍾意茶走，各人有不同口味。整體黎講，如果唔洗排隊既話，可以值得一試。但如果依然要排半個鐘，我諗都未必會吸引我食第二次。不過，係打卡係好地方黎既。