影片
更多
2021-09-06
1075 浏览
本身上網睇呢間餐廳既資料，話主廚喺東京L’Effervescent 同好多米芝蓮3星餐廳工作過，一路都鍾意支持法式料理小店既我，當然要去試下，而睇到主廚既來歷，唔多唔少都會有啲Expectation，但係食完之後簡直係十分之失望，無論係Menu配搭或者菜式嘅演繹上，我覺得不達水準，仍需好大努力內在環境：首先講吓內在環境，其實一眼睇晒都係得嗰10張台到，但係氣氛都ok。另外因為係開放式廚房，可以睇到廚師處理料理既程序，如果你唔介意油煙大少少嘅話，都係另一番享受1st course: Mantis Shrimp 第一道菜係一串賴尿蝦，配上一杯蝦味既清湯。賴尿蝦唔係咁新鮮，口感好淋🤢賴尿蝦上面搽咗啲好似BBQ醬咁嘅嘢，嗰醬太濃覆蓋左賴尿蝦本身嘅鮮味。而杯清湯就腥到爆炸，係一杯好清既蝦味腥湯🤮2nd course: Hokkaido scallop w lemon coulis and black sesame tuille 第二道菜係我覺得最失望嘅一道菜式，因為帶子刺身其實都好難整得好難食。但好可惜，Le Vallon就真係處理得麻麻地。。。呢道菜basically係三片薄切帶子+幾督好稠既
內在環境：
首先講吓內在環境，其實一眼睇晒都係得嗰10張台到，但係氣氛都ok。另外因為係開放式廚房，可以睇到廚師處理料理既程序，如果你唔介意油煙大少少嘅話，都係另一番享受
1st course: Mantis Shrimp
第一道菜係一串賴尿蝦，配上一杯蝦味既清湯。賴尿蝦唔係咁新鮮，口感好淋🤢賴尿蝦上面搽咗啲好似BBQ醬咁嘅嘢，嗰醬太濃覆蓋左賴尿蝦本身嘅鮮味。而杯清湯就腥到爆炸，係一杯好清既蝦味腥湯🤮
2nd course: Hokkaido scallop w lemon coulis and black sesame tuille
第二道菜係我覺得最失望嘅一道菜式，因為帶子刺身其實都好難整得好難食。但好可惜，Le Vallon就真係處理得麻麻地。。。呢道菜basically係三片薄切帶子+幾督好稠既檸檬醬，配埋幾塊偏苦既芝麻薄片。幾樣野加埋完全唔夾😞帶子又唔係話特別新鮮，芝麻脆片烘過火，食完之後個口會有苦味
麵包：sourdough + tofu mousse
食到呢度就上咗一塊熱辣辣嘅酸種麵包，配上用豆腐整嘅mousse/醬，質地好似奶蓋咁樣。值得一讚嘅就係麵包真係熱辣辣，但係麵包本身就冇乜特別，而個豆腐醬都唔係特別好食，搽牛油/橄欖油其實會更好，但可惜呢兩樣嘢餐廳都話冇🙂
3rd course: local squid with cauliflower purée and pomelo
呢道菜都OK嘅，魷魚上面介咗一格格然之後用火槍燒，唔會整得過老，但係我覺得表面燒得有啲太焦，會苦苦地。椰菜花蓉就正常發揮，法式料理基本嘢。配上幾塊好苦既碌柚，成為左呢道菜既敗筆之處🤢
4th course: octopus with jicama and octopus chicken sauce
食到呢度都冇咩期望，淨係想食完嗱嗱聲去食糖水。八爪魚本身都煮得OK淋嘅，配上一粒粒既沙葛，都幾清新，但係整體黎講都係冇咩特別既一道菜。
5th course: Fish of the day
因為我哋6人去食，所以叫咗兩碟魚試吓。呢道應該係全晚煮得最好食嘅菜式。當晚嘅魚係馬友，廚師醃鹹左之後將佢煎香（有少少偏鹹）塊皮煎得好脆但魚肉又唔會過老，配上荷蘭豆同百合，係不過不失既一道菜
6th course: wild duck with carrot purée and oyster mushrooms
全晚最有濃味嘅一道菜，鴨煎得唔錯唔會過老。但係問題就黎喇😅因為隻鴨真係好騷，本身我都好鐘意食鴨，但係真係騷得濟食唔到落口。紅蘿蔔purée正常發揮，甜甜地配埋油膩嘅鴨啱啱好。秀珍菇完全冇味，而且好油，同隻鴨一啲都唔夾。
Dessert: Japanese grapes with white cheese mousse
甜品方面已經相都冇影到，因為好想快啲食完快啲走去食糖水。甜品冇乜技巧可言，都係幾粒日本提子加埋啲鹹鹹地嘅芝士mousse同幾塊薄薄既餅，成件事好唔夾😩
總括而言，好地地星期六晚就咁比呢餐晚飯ruin咗，仲要每位大概$1000左右(我地開左一支白酒)，我覺得完全唔值0️⃣唔會再有下次❌
Mantis shrimp
16 浏览
0 赞好
0 留言
Sourdough with tofu mousse
15 浏览
0 赞好
0 留言
Local squid
17 浏览
0 赞好
0 留言
Octopus
13 浏览
0 赞好
0 留言
Fish of the day
13 浏览
0 赞好
0 留言
Wild duck
10 浏览
0 赞好
0 留言
张贴
