清亭越南菜館 (已結業)

行完街，o係度開餐，第一次食呢間野。八時多到，門口好多人等位，過左一陣，門口位小姐問坐樓上好唔好。咁諗住樓上都係2樓，都冇所謂啦。點知咁就出事，原來佢樓上既意思係要過對面馬路既一棟大廈然後再搭電梯上。即刻心知不妙，又要過馬路又要等電梯，d野食黎到都唔慌好食啦。不過唔黎都黎左，都要照食。3個人叫左牛粒紅飯、牛油雞翼、炸軟穀蟹、春卷撈檬同。牛粒紅飯---個飯濕左d，唔夠熱亦唔太夠味。但d牛肉粒就唔錯，有蒜頭香，亦夠腍同唔鞋口，問題亦係唔夠熱。牛油雞翼---全晚最好呢個，好香牛油味，雞翼唔會話炸到乾爭爭，唔錯。炸軟穀蟹---一上到，有d驚訝。點解可以咁細隻。細隻都唔係問題，好食咪得囉。但個樣望落去已經唔太想食，因為d蟹縮到"巢"晒皮，好明顯係炸完後送過黎果陣焗到咁。一食落口un既...入面亦唔見有咩膏。失望春卷撈檬---春卷味道一般，好在夠脆。檬粉冇咩特別。烤豬肉蝦片---蝦片唔脆，豬肉鹹左d，唔好食。食後覺得呢度d野好一般，唔知關唔關上左所謂既2樓事。所有食物都有個通病，就係唔夠熱。所以大家千祈唔好上2樓，情願用d時間等多陣好過。