今次我個人重點推介係海膽手卷，蘋果鵝肝
海膽手卷食咗六次，雖然份量唔多都係得一瓣。但勝在相當鮮甜冇怪味。
蘋果鵝肝相當軟熟，相當香甜。可以自創鵝肝手卷。10分推薦食法。
燒榴槤，一如以往好食，但係個核就隱隱約約有種臭味喺度🥹
今次赤蝦冇之前咁腥，但係依然有啲蝦腸喺度
有少少影響外觀
甜蝦相當甜，10分推薦好食
今次有食埋烏冬，相當好食
雖然中午時段唔係好多嘢食，但我覺得$300都唔使有得食三個鐘，非常化算。
送餐都好快送到，都叫咗好多轉，三個鐘可以慢慢食，見到自己一樣食物都冇浪費全部都係清空所有碟，成功感非常之大
但有一樣嘢需要提點一下就係收碟嘅服務員，個人認為如果個碟係喺客人進食期間使用緊嘅時候，就唔應該伸隻手過去搶人哋隻碟，趕住收碟咁。因為咁樣會感覺非常之唐突同埋有啲冇禮貌🙂↔️😟伸隻手落去我心口對落位置，感覺實在唔係咁好，琴日差啲忍唔住想開口鬧個服務員，好彩我忍住咗😅
我試到燒乳鴿，冇咩特別唔係好多肉乳鴿味都唔係好出，係知道應該係炸完，油益味好重。
試咗個斑斕小奶凍相當好食，唔會太甜奶味十足
仲有個泰式凍鮑魚，雖然份量好細個，但係都好好食
冇咗之前個機主鮑魚，有啲可惜🥲
