澳門麗都茶餐廳 (已結業)

我係為左食飯時可以睇電視先呢呢度，但係呢間餐廳的部長好有問題！個高高瘦瘦的部長，係我地落完單後１５分鐘左右都未有野送上來，我地問佢ｄ野幾時得，佢話再幫我地追下，哇！！點知又等多１０分鐘！！我地只係點左３個湯飯同埋一份瑞士鷄翼，都要等咁耐，我再追果陣，佢先同我講話因為客人多，同事可能漏左單，嘩嘩嘩　！！你唔早講，為左食呢餐飯，我地等左半粒鐘，有無攪錯！我同佢地講話一係取消個張單，佢又話唔得，因為已落左單。既然未落單就應該講聲，唔係由得人係咁等，呢種服務態度真係需要改善。但食物整體上可以，湯飯是熱熱的，味道不錯。