木子甜品 (已結業)

食完西貢越南菜，再去港灣豪庭行一陣，然後去木子甜品食芋圓。 Openrice 食評唔錯，於是就去一試。 要了黑糯米芋圓，熱嘅，＄１８。 價錢同份量黎計絕對好抵，因為好大碗，亦有好多芋圓。 不過……味道真係太甜，太甜太甜太甜太甜太甜… 芋圓唔知佢點煮，可以同食糖無分別！甜嘅程度係食完一粒，條脷覺得嗱嗱地，然後就係個喉嚨覺得好痕好想咳…芋圓質地本身好好，好煙韌…可惜實在太甜，我食了兩粒就放棄了！紫米糖水本身唔太甜，剛剛好，但越食越甜，食咗三份一就放棄了！