鴛鴦麻辣牛骨鍋 $82
簡左個鴛鴦鍋以防萬一個麻辣鍋太辣，可以食下牛骨鍋沖淡，同埋牛骨鍋可以用黎煮菜😆麻辣鍋越煮越辣，好惹味，辣既程度可接受。
信洲和牛後腿肉 $98
今期限定，點左一個試下，後腿係牛整日會郁既地方，雖然會有較多既肌肉，但都有一定程度既油花。
呢到好多牛既唔同部位可以食，大部分都係第一次聽，好貼心咁有張紙話比大家知，每個部位係邊到同需要煮幾耐。
滑尾龍 $48
花雕醉牛 $48
兩款都好食，唔會韌，醉牛就算經過完麻辣鍋，都食到好濃既酒香。
水蓮菜 $28
好鐘意食呢個，份量都唔小，唔可以煮太耐，咁就食到佢個種爽脆感。
我地仲叫左粟米🌽、響鈴、油豆腐串、公仔麵，食得好滿足。
1
價錢可能仲比同出面任食平d，同埋可以食下d其他地方冇既野。
