Lab Eat Bistro (豉油街) (已結業)

餐廳樓高三層，底層位入口同埋甜品售賣區，2樓同3樓就係用餐嘅地方。餐廳裝修為工業風，我主要用金屬為素材，高雅帶點型格。食物款式都幾有創意。首先想介紹嘅係韓式椰菜花，首先將椰菜花焗到香脆，外面沾滿左韓式炸雞醬，好似食緊健康版嘅韓式炸雞咁。另外係鵝肝燉蛋，面頭仲有一層焦糖，平時食嘅焦糖燉蛋都係甜品，呢一個加咗鵝肝喺蛋漿入邊，味道係偏鹹，配上多士一齊食，作為前菜都非常唔錯。斧頭扒用咗萬煮方式烹調，肉質非常嫩滑，外面啲醬汁亦都好惹味。最估唔到嘅呢度竟然有烤魚，仲要係配上泰式醬汁。價錢唔算貴，食物質素都偏高，性價比都唔錯，最值得讚嘅係餐廳嘅創意性。