郭仔記粥麵專家

营业中

休息中

同朋友係大埔踩單車，粗粗地食碗麵再繼續行程。黎到郭仔記，環境都幾整潔，見到佢主張無加味精既湯底，一於黎試下係唔係冇味精。叫左肥牛，豬大腸，五香肉丁配米線($43)。碗麵一上枱份量唔細，大大碗，而d餸亦都十分之足料。特別欣賞佢既豬大腸，清理得好乾淨，煮得夠味，而且一d都唔韌。肥牛肥瘦均勻，冇急凍味，有口感。而五香肉丁盲不過不失。鍾意食辣既朋友，可以試下餐廳秘製既辣汁，真係非常惹味，加埋肉丁既辣味，好過癮。唔夠辣，枱面上有唔同既辣醬辣油，可以自己加。本來仲叫左罐裝可樂，估唔到食完唔似其他車仔麵咁會好口渴，睇黎真係冇加味精。整體，除左車仔麵，仲有其他炒粉麵飯，粥品，腸粉小食，迎合唔同口味既人。