泰 (已結業)

哈今日渣車黎黃大仙搵食, 咁啱經過呢間泰國餐館, 裝修同門面都唔係好泰國FEEL, 反而有一種西式既感覺, 但憑著呢個餐館名 - 一個字"泰", 相信係食泰國菜再加點西式既味道既應該, 哈哈......於是我地就搵個位泊好車就入去試試啦, 見到有得坐出面, 就係呢種型格吸引左我地入去, 仲要見到有一個個火鍋仔打邊爐, 啱哂咁凍既天氣, 本應諗住坐出面, 但已滿座. 一坐底就緊係睇下有咩好食啦, 本身諗住食泰國菜既, 但見到人食火鍋我地又好想食, 哈, 好就叫一個黎試下啦, 原來係新推出既, 我地叫左個冬陰公湯底, 再加個B餐, 而家仲做緊特價$198(2人份量), 有海鮮(蝦呀, 蠔呀, 青口等等), 肉呢就有(扎肉呀, 肥牛呀, 豬頸肉等), 菜就有(冬菇呀, 粟米呀, 菜呀等等), 仲有D粉絲,丸呀等...不得不提個湯底, 真係堅正, 差D飲哂, 後來得知之後加清湯即刻停口, 哈哈, 怕一陣就咁清湯打邊爐...