影片
更多
2024-06-25
47 浏览
住將軍澳，終於介紹返喺將軍澳嘅餐廳🤣最近個天成日落雨，搞到個人冇乜心機，趁今日終於有返太陽，去將南食吓啲特色嘢！平時行經過出邊條街，已經聞到小野人串燒嘅香味🍻 喺我哋開始入座，店員就擺咗個大盒喺我哋面前，原來佢係for串燒保溫之用！我覺得呢個盒幾貼心，就算我係咁亂影相好遲先食嘢，啲串燒都仲keep到係暖，唔錯唔錯！👍🏻店員都好有禮貌同埋手速好快，大讚！😆 串燒我主要都係叫小辣，調味幾惹味，又唔會得調味粉嘅味道🫰記得落單嘅時候要寫低你要唔辣同埋要幾多辣度☺️烤黑豚五花（兩串) $28黑豚五花，腩肉部位唔算多，肥瘦比例ok ，調味啱啱好，夠惹味👍🏻烤台灣小香腸 $18烤得外皮幾脆，仲附有一啲芝麻幾香🤪烤珍寶蟹柳王 $25烤過係唔同啲，又熱、好味同多肉過Donki嘅蟹柳😂🙈 👏🏻烤雞肉（兩串） $28雞肉好嫩滑，烤得啱啱好！🫰烤小牛肉（五串） $48調味粉嘅味道唔會蓋過牛肉嘅味道，有五串咁樣食都幾抵🤓烤大漠羊肉串（五串) $48不愧係招牌菜，唔會太羶，但肉質又鮮嫩🤤烤雞脆骨（兩串） $28都有啲調味嘅味道，香脆可口🙂↕️烤牛舌（ 兩串） $28細粒但係厚，幾有咬口😎香蔥豚肉卷 $28最鍾意食濃
烤黑豚五花（兩串) $28
黑豚五花，腩肉部位唔算多，肥瘦比例ok ，調味啱啱好，夠惹味👍🏻
烤台灣小香腸 $18
烤得外皮幾脆，仲附有一啲芝麻幾香🤪
烤珍寶蟹柳王 $25
烤過係唔同啲，又熱、好味同多肉過Donki嘅蟹柳😂🙈 👏🏻
烤雞肉（兩串） $28
雞肉好嫩滑，烤得啱啱好！🫰
烤小牛肉（五串） $48
調味粉嘅味道唔會蓋過牛肉嘅味道，有五串咁樣食都幾抵🤓
烤大漠羊肉串（五串) $48
不愧係招牌菜，唔會太羶，但肉質又鮮嫩🤤
烤雞脆骨（兩串） $28
都有啲調味嘅味道，香脆可口🙂↕️
烤牛舌（ 兩串） $28
細粒但係厚，幾有咬口😎
香蔥豚肉卷 $28
最鍾意食濃味嘢，一啖咬得晒，豚肉同香蔥好match，豚肉易咬唔韌，唔錯唔錯👍🏻
蒜蓉烤生蠔 $38
大隻過芝士生蠔，仲有蒜蓉嘅汁，又係另一種風味☺️
烤多春魚 （三條） $36
成日都好好奇點解人哋燒嘅多春魚會燒得咁靚，自己韓燒嗰啲，係一pat💩🫣😂 多春魚燒得好香好脆又飽滿🤩
芝士蒜蓉烤茄子 $48
好好味，呢個組合真係無敵，有芝士又蒜蓉，茄子亦都燒得好柔軟，好容易拎起，唔會黐住塊皮拎唔開，應該每次嚟我都會叫😆
烤韭菜 $18
味道👍🏻 佢嘅韭菜可以清晰地分開一條條，所以可以慢慢咬到佢到呑到既size (我之前食過其他舖頭嘅韭菜串燒，因為太大條，又咬唔爛，結果最後都係吞唔到落肚lur返出嚟🥹)
芝士烤生蠔 $38
生蠔肥美，芝士味濃，但唔會淨係食到芝士嘅感覺，生蠔依然存在🙊
麻吉年糕燒 $23
個麻糬好煙韌，大大舊，仲有煉奶同砂糖可以點，口感特別🥳
烤BB蘆筍 $32
鍾意食蘆筍，調味不錯，幾爽😙
烤牛奶小饅頭（兩個） $26
呢個小饅頭好吸引，首先唔係周圍都有得叫，因為佢烤過，佢同普通嘅饅頭又唔一樣，食落幾鬆軟又香，加埋煉奶，真係不得之了😍🫣
蒜蓉粉絲娃娃菜 $42
係你同我都想像到嘅蒜蓉味道🤣🤣 我自己覺得對比串燒，娃娃菜好清甜，清清地，可以中和到肉嘅油膩感，同埋份量都唔少，仲有粉絲&大片娃娃菜👍🏻
凍超C手打檸檬茶（大杯） $48
呢杯檸檬茶真係改錯名，佢應該叫巨杯🤣我相信可以兩三個人飲都飲唔晒！好新鮮嘅手打檸檬茶，見到有青檸、檸檬片等等，酸酸地幾清新，亦足料🤩
Asahi朝日啤酒（ 330 mL ） $48
一樽啤酒過，係啤酒asahi嘅味，串燒唔係唔飲啤酒嘛？🤪😂
離開前見到有其他客人點咗白飯🤩 但我哋喺Menu見唔到有得叫，好奇問吓店員，原來可以落單嘅時候點白飯，不過我人比較I，唔好意思再問佢使唔使加錢，大家食完可以話返俾我知，或者等我下次再去🤣🤣🙊
結論
🫰串燒味道惹味，調味不錯！食到肉嘅鮮味，唔會只係得調味粉嘅味道
🫰款式選擇多，仲有酸辣粉、撈丁可以叫🫨
🫰Openrice 訂座，唔同時間都好似有啲優惠🙊
⚡️身體唔算大味，但個口係會臭㗎啦，始終食咗咁多肉同香口野🙈🤣
好味度：8.5/10
回頭度：8.5/10
餐廳資料
餐廳名稱：小野人Koka
餐廳地址：
將軍澳澳南海岸唐俊街23號MONTEREY Place地下G25A號舖
營業時間：星期一至日 11:30-00:00
张贴
