丸十あぶり牧場 (已結業)

上次食過朗豪坊丸十寿司日本食堂有好印象，今次行到同區新世紀都見到間叫丸十，暗暗高興但menu唔同，見呢間主打食和牛，响唔同地方嘅牧場，將原隻和牛直送到港，為求最新鮮、高品質而且價錢做到親民；午市有套餐，唔單止有和牛，仲有好多唔同選擇，近排塊面好似痘痘放題咁，所以「清清地」😝揀左蒲燒鰻魚丼定食，$88包沙律、味噌湯及咖啡/茶/汽水，蒲燒鰻魚好大件，咬落香香棉棉，餐飲要左杯熱咖啡，即磨香噴噴，不過配花奶就麻麻地，我比較鐘意用鮮奶。有美味主餐又點少得甜品呢？少少地要個牛奶雪糕配朱古力布朗 $55，牛奶雪糕夠香濃，Brownie細細粒配襯雪糕幾好喎，唔會太多，啱啱好👍🏼