利寶閣 (已結業)

同阿媽食飯，多數都係食中菜！無計啦，佢鍾意嘛追求健康嘅阿媽，第一樣點嘅就係菜！呢個大澳生啫唐生菜$88，一上枱侍應就起晒咁炒，見到啲生菜由生炒到熟，而且啲香味一路咁散出嚟，好惹味另外我地仲叫左個谷飼豚肉叉燒飯配原盅佛跳牆$188，蛋係我最鍾意嘅太陽蛋，加埋少少豉油、叉燒醬汁，仲有甘香鬆軟嘅叉燒一齊食，正另外佢個佛跳牆超級足料有鮑魚、遼參、魚翅、花膠、瑤柱同冬菇，而且無加味精，真係滴滴皆精華第一次食欖角骨$88，味道都唔錯～口感有啲似生炒骨，但就多左一陣欖角嘅香味，送飯一流最後餐廳好好，仲送咗棗皇糕同綠豆沙俾我哋，兩款甜品都唔會太甜，大人細路都啱食唔錯