豬仔糖水

食完中伏拉麵，諗住補償一下自己個胃，就行去食甜品，之前聽人介紹依間豬仔糖水唔錯，不過佢係介紹心太軟。咁就一於去試下先，原來係黃埔站出口對面，走果陣搭鐵都好方便。

熱芋蓉椰汁西米

$30

預期係有一舊芋蓉係面，點知上黎係已經撈埋一齊，食第一啖只係微暖，又唔熱又唔凍係最難食，而且芋蓉口感好粗，明顯無過篩令質感變得細滑，椰汁香味輕微及帶點酸味，味道麻麻，$30一碗糖水，我相信會有更好選擇。

芒果芭菲

反而我表姐叫既芒果芭菲唔錯，除左面頭芒果Cream食落似係人工香精味之外，其他配料都係正常味道，小丸子煙韌又有糯米香、牛奶布丁滑身，不過比芒果汁既味道蓋過本身既牛奶味，芒果偏酸亦唔會過酸，所以好醒胃。

總括而言，熱食糖水好難食，新派甜品係唔錯。