Wooloomooloo Prime

营业中

休息中

雖然食物唔難食，仲有個夜景睇，但埋單$1848唔值囉。同埋到我入坐既時候先講限時2個鐘，收我呢個價仲要限時間，香港其實有好多食肆有靚景同好食既食物，唔需要一定幫襯佢囉。4個女仔，一人叫一個DISH，加每人杯飲品$85/杯。點完餐，Waiter就會送上麵包，免費的。包夠香軟，牛油亦香滑。Seafood Caesar，基本上呢款沙律唔會難食，所以無乜特別，份量唔算好大。Wooloomooloo Steak,12oz，一般食肆將食物用店名黎命名，會當作招牌菜。不過當呢碟Rib eye就令我好失望，食落去無乜牛味，肉汁唔多，上碟既配料又簡單唔靚，完全唔覺得呢塊扒值$435Half Spatchcock Chicken，呢半隻雞反而有少少驚喜，切開雞肉時，望落去好似好"鞋"好Dry，但食落竟然好滑，點埋佢哋個醬汁，仲幾好食。Salmon Fillet，三文魚扒生熟度好恰當，無魚腥味，合格。French Fries，其實食完以上既DISH，係唔會覺得好飽，所以最後再叫多個薯條，真係好諷刺，最好食既居然就係呢個薯條，可以用秒殺黎形容。