炯記餐室 (美麗閣)

营业中

休息中

話說之前幫襯過好多次炯記，不過次次都係食鵝油撈粗，所以今次想試吓佢哋啲飯。又話說其實猴子鍾意食麵多過食飯，不過做人嘅嘢，梗係乜都要試吓。或者係炯記嘅鵝油撈粗太出名，相比起上嚟，佢啲飯就好似遜色咗少少，冇期待中咁香咁惹味，平淡咗少少，飯粒嘅水份亦好似多咗少少。至於手撕雞就一貫咁好味，又香又滑，未放入口已經流晒口水。雖然今餐嘅滿意度冇之前咁高，不過整體嚟講仍然係唔錯。再者，炯記亦算係相當抵食，飯連凍飲都只係HK$43，況且對比起新開張嗰陣，座位空間已經改善咗、寬敞咗，所以猴子一定會繼續幫襯。