影片
更多
2014-05-19
2382 浏览
太后生日，今年唔想食中菜，想搞搞新意思，search一輪之後，發現呢間新餐廳食評唔錯，膽粗粗同屋企人試下。我哋一行6人準時7點去到，安排咗我哋坐corner位，環境好舒服。見到個餐牌，好多樣都想試，經理都有同我地推介咗幾款佢哋嘅signature。先嚟開支白酒賀一賀太后，之後叫咗生蠔，芒果蝦沙律，蒜蓉包，菠菜帶子意粉，黑松露西冷扒，燒羊架同白汁蟹肉意粉生蠔無難度，最緊要新鮮，正! 食完半打唔夠喉，再encore 蒜蓉包好有驚喜，同出面好唔同，新鮮熱辣，外脆內軟，真係估唔到咁好味，大推介蝦沙律個汁好開胃，d蝦似燒烤過，好惹味 到主菜喇，黑松露牛排好濃味，同面頭個d黑松露好match,平時食牛排多數配燒汁，呢個配搭幾特別羊架唔差，不過可以再騷d。兩個意粉都好足料,食到粒粒帶子同蟹肉，菠菜汁夠fresh, 白汁夠creamy。最後經理好醒目咁幫我哋攞咗個蛋糕出嚟，仲幫我哋影埋即影即有相送俾我哋，好貼心嘅服務。太后一向嘴刁，佢都話好滿意，絕對有下次
生蠔無難度，最緊要新鮮，正! 食完半打唔夠喉，再encore
蒜蓉包好有驚喜，同出面好唔同，新鮮熱辣，外脆內軟，真係估唔到咁好味，大推介
蝦沙律個汁好開胃，d蝦似燒烤過，好惹味
到主菜喇，黑松露牛排好濃味，同面頭個d黑松露好match,平時食牛排多數配燒汁，呢個配搭幾特別
羊架唔差，不過可以再騷d。兩個意粉都好足料,食到粒粒帶子同蟹肉，菠菜汁夠fresh, 白汁夠creamy。
最後經理好醒目咁幫我哋攞咗個蛋糕出嚟，仲幫我哋影埋即影即有相送俾我哋，好貼心嘅服務。太后一向嘴刁，佢都話好滿意，絕對有下次
张贴
