影片
更多
2005-10-26
1 浏览
今次係第了次黎食lunch buffect，不過上次係中秋節，全場爆滿，雖然今次係平日，但都唔算少人。今次食物同上次有少少唔同，日式前菜有芝麻八爪魚同螺肉，好大隻咖芝麻八爪魚呀！size可以同淘大既目黑比較，我覺得TODAI既仲要好味少少！螺肉雖然唔算好大粒，但係好彈牙喎…正！軟殼蟹壽司卷同龍蝦沙律壽司卷真係好好味！胡麻日式冷麵果然好香芝麻味呀！麵質就一般。南瓜配黑醋汁好吸引我，南瓜腍度剛剛好，配黑醋汁好夾，我食左好多…因為要應節嘛！鮮菠蘿超好味！多汁又甜又酦又冰凍，諗起都想encore！去之前話過今日一定要剝蟹鉗俾我男朋友食，嘩！好大隻呀！好好味喎…都唔係之前D留言講得咁鹹，肉質都唔錯，幾新鮮丫！但D殼真係好硬，一定要用工具幫手開，唔係實行幫自己剝埋牙！今日無干蒸牛肉燒賣，換左冬菇蟹子燒賣，好味道…我男朋友最捧場，夾埋食左兩籠半(如果四粒一籠計)！小籠包依然保持水準，皮唔易穿但又唔會好厚，肉汁可以鎖住在包內…不過今日D牛油洽粟米無上次咁入味，唔夠牛油香。今日有三文魚配綠茶忌簾汁，好味道！唔係好漏，食到少少綠茶既香味，三文魚生熟度剛剛好，唔會好\"鞋\"口。雜錦海鮮焗扇貝，兩次都係咁好
今次食物同上次有少少唔同，日式前菜有芝麻八爪魚同螺肉，好大隻咖芝麻八爪魚呀！size可以同淘大既目黑比較，我覺得TODAI既仲要好味少少！螺肉雖然唔算好大粒，但係好彈牙喎…正！
軟殼蟹壽司卷同龍蝦沙律壽司卷真係好好味！胡麻日式冷麵果然好香芝麻味呀！麵質就一般。
南瓜配黑醋汁好吸引我，南瓜腍度剛剛好，配黑醋汁好夾，我食左好多…因為要應節嘛！鮮菠蘿超好味！多汁又甜又酦又冰凍，諗起都想encore！
去之前話過今日一定要剝蟹鉗俾我男朋友食，嘩！好大隻呀！好好味喎…都唔係之前D留言講得咁鹹，肉質都唔錯，幾新鮮丫！但D殼真係好硬，一定要用工具幫手開，唔係實行幫自己剝埋牙！
今日無干蒸牛肉燒賣，換左冬菇蟹子燒賣，好味道…我男朋友最捧場，夾埋食左兩籠半(如果四粒一籠計)！小籠包依然保持水準，皮唔易穿但又唔會好厚，肉汁可以鎖住在包內…不過今日D牛油洽粟米無上次咁入味，唔夠牛油香。
今日有三文魚配綠茶忌簾汁，好味道！唔係好漏，食到少少綠茶既香味，三文魚生熟度剛剛好，唔會好\"鞋\"口。雜錦海鮮焗扇貝，兩次都係咁好味！海鮮料好足，有蝦、魷魚圈、蜆肉、青口等…今日有炸蝦天婦羅，我男朋友話好味喎！
我男朋友話D雲吞好似蝦餃，因為TODAI既雲吞無豬肉，淨係得雲吞皮包住D好爽口彈牙既蝦仁，如果唔介意粒唔夠pro既雲吞，都幾好味咖！你可以叫佢\灼蝦仁俾你，D蝦仁同樣咁彈牙，但係蝦味唔濃。今日既麵豉湯就普通D，無上次咁多料。
終於食甜品喇…因為萬勝節關係，所以今日有好多南瓜做主題既甜品，試左南瓜批，有南瓜香，唔係好甜…唔錯。南瓜MOOSE蛋糕就無乜南瓜味喇！黃梅撻既撻底好脆，少少酸，幾好味喎！藍莓乳酪一般啦。芝麻雪糕唔夠手作咁香咁多芝麻，比較淡…但係芒果雪笆再加D芒果汁就PERECT MATCH！好好味！美式芝士餅幾香芝士味，但係唔夠滑。
係咪見我食左好多野咁呢？其實仲有D食左未數晒…留返你自己去試下啦！TODAI既食物種類好多，樣樣細細件，你可以有好多quota試好多款。
員工服務好，環境都唔錯，當然唔好跟酒店比較。但係價錢好掋！加上我地上次食完有coupon，平日lunch有八折或者dinner有九折，今日就用左八折既優惠。
张贴