香湘辣妹 (已結業)

星期五晚跟朋友到紅磡既呢間湘菜館食飯，除左食到辣外，唔辣既菜色都同樣咁出色。雙截棍孜然寸骨($118)未食之前已經聞到好香既香料味道，廚師係醃肉做既功夫好足，每啖肉都食到好香，加上辣椒既香辣令到肉質更加惹味，另外肉質彈牙有口感外肉味仲好濃，對於愛好食肉既朋友食完一定會鍾意上呢道菜。蕎麥鍋鍋頭($48)蕎麥包十分清淡，只有淡淡既麥香味，而中間的肉碎就又香又辣又惹味，用蕎麥包包住黎食，形成淡味同埋濃味既對比，就好似食緊生菜包咁，用一層包包住香濃既配料。而且價格低十分抵食。本草鋼目上湯菜苗($78)除左辣既食物都上下清淡既，同樣做得出色，上湯味道完全俾菜苗吸收，菜苗不會煮得太老，仍然十分鮮嫩，食完辣野之後再食清淡既野可以中和一下。