更多
2015-04-27
1173 浏览
雖然天氣已經慢慢回暖,但好似我呢D鐘意打邊邊既小朋友,係咩時候都可以烚下烚下的:)講到烚下烚下,一定不能少既就係肥牛啦!!!但今次食得更豪,我地用和牛打邊邊!!!當堂個氣勢都出哂黎呀>v<記得門口隻牛牛,好搶眼XD坐既位好似一個個浴缸咁,情侶一齊食成件事就變得好Sweet >////<雖然都幾搞笑,但其實幾有私人空間,成班朋友細聲講,大聲笑都沒問題。我地今次一大班決定豪食最最最頂級既日本飛驒和牛放題。人多我地揀足4個湯底黎試XD蕃茄濃湯:香濃好味,但碌牛就無乜牛味,妹仔大過主人婆XD但碌其他配料就冇得頂!甜醬油湯:食牛必備的完美組合,用黎碌粉絲都好正架,但都幾濃味,粉絲食唔到太多。昆布海鹽清湯:清清地,嗒落昆布味慢慢滲出黎,唔太搶食到個牛牛既鮮味。黑蒜豬骨湯:重口味之選,頭一啖湯真係濃味到有少少苦,但食多幾轉之後,其實又幾有性格,不過真係唔好淨揀呢個湯底,唔係變哂蒜味牛架啦XD等緊個湯底滾既時候就緊係去混定醬,拇定配料啦:)醬料都幾多選擇,個醬油又真係唔錯,淡淡適中,加返少少蒜同辣椒,正!就咁點七味粉都幾好架。配料都幾多款兼吸引,麵都過埋冷河等你拎走,滾
但今次食得更豪,我地用和牛打邊邊!!!當堂個氣勢都出哂黎呀>v<
坐既位好似一個個浴缸咁,情侶一齊食成件事就變得好Sweet >////<
雖然都幾搞笑,但其實幾有私人空間,成班朋友細聲講,大聲笑都沒問題。
我地今次一大班決定豪食最最最頂級既日本飛驒和牛放題。
蕃茄濃湯:香濃好味,但碌牛就無乜牛味,妹仔大過主人婆XD但碌其他配料就冇得頂!
甜醬油湯:食牛必備的完美組合,用黎碌粉絲都好正架,但都幾濃味,粉絲食唔到太多。
昆布海鹽清湯:清清地,嗒落昆布味慢慢滲出黎,唔太搶食到個牛牛既鮮味。
黑蒜豬骨湯:重口味之選,頭一啖湯真係濃味到有少少苦,但食多幾轉之後,其實又幾有性格,不過真係唔好淨揀呢個湯底,唔係變哂蒜味牛架啦XD
等緊個湯底滾既時候就緊係去混定醬,拇定配料啦:)
就咁點七味粉都幾好架。
比較其他同類既放題,佢既配料係有返咁上下質素既呢,分分鐘係屋企自己打邊邊買既都唔夠佢好味。
不過個新出既油炸鬼就爭D啦,人地通常係油炸鬼連堆D釀料一齊炸。
佢地就炸完條油炸鬼先釀D餡料,滾到D餡熟既時候,油炸鬼已經淋到一Pat野了...真係要再搞搞佢啦...
上面係日本飛驒和牛,下面係澳洲貴族和牛。
係呢間盛八最貴既兩款牛,日本和牛既雪花比較分佈平均,油脂比較多,食落係軟綿綿既口感,牛肉味十足。
一般汽水之外,仲有包裝飲品,好似仲有啤酒添。
啫喱杯都幾吸引,手上係青檸同士多啤梨味,我好似一個人都食左3/4杯,細細杯唔覺唔覺XD
呢邊個價位比一般同類既相比係貴左少少,但整體食物質素就真係值回票價。
和牛雖然唔係頂級質素,但打邊邊黎計已經好完美了,再高級D既和牛用黎手邊邊就真係太浪費了。
不過又...食既時間又係得90分鐘,真係有少少唔夠,食到好鬼趕,其實打邊邊可唔可以唔好限時啊,又要烚、又要食,90分鐘真係分身不下,想吹多兩句都食唔切啊T^T
张贴