中午同媽咪二人去攞籌等位飲茶, 等咗半小時眼見不斷有人埋單離開卻冇叫過任何籌號, 這半小時內有好多"陳太" "張太" "周太" 一到就魚貫入座, 職員笑容滿面接待佢地仲叫佢立即入座, 如是者門口乖乖攞籌嘅人冇一個入得去. 有人終於忍唔住詢問職員, 職員態度極差答我地話佢地訂咗枱... 其實明嘅, 以前年代嘅酒樓都係咁樣招待所謂熟客, 但入咗10個熟客都唔入一個新客會唔會太過份?
45 分鐘過去, 其他人已走哂, 我問咗幾次之下終於叫咗我號碼, 但職員話唔入得住, 因為二人要搭枱. 其實取號時佢冇講明, 不過算喇我唔想再浪費時間, 搭枱都可以. 但佢一直叫咗15-20 個號碼全部都已經走哂, 我一直要企門口等下一個二人客出現? 我再問佢: 我已經願意搭枱, 你可唔可以安排我入座先? 佢話唔得, 我理論, 然後另一個職員出現話有張細枱俾你入去啦. 嘩~ 多謝呀!
我都好配服我點解冇嬲到走咗, 因為我已經等到好肚餓. 入座後眼見好多佢地笑住嚟招呼的乜太物太直接企喺某啲枱附近等位, 一有埋單就安排佢地坐, 這就是訂位?
奉勸各位, 你唔係佢地嘅熟客, 未俾過利是嘅, 唔好浪費時間, 去其他酒樓啦! 反正佢地嘅食物都全無特別.
以上食評乃用戶個人意見 , 並不代表OpenRice之觀點。
2
chop suey
奉勸呢間酒樓，應該貼張通告喺當眼處： 本酒樓只招待熟客，生客免問！
等候時間
50 分鐘 (堂食)
用餐時段
午餐
