砂煲兄弟 (東港城) (已結業)

諗起煲仔飯就諗起兒時同屋企人去上環仲用緊炭爐喺度煲下煲下嘅煲仔飯，到而家仲回味。突然間想食，一於就去試下，睇下可唔可以重拾兒時嘅回憶。呢間煲仔飯店唔係舊式果種，打造新派菜式，係有創意嘅 ， 叫咗個傳統嘅臘味煲仔飯，同埋一個新創意嘅鰻魚櫻花蝦煲仔飯， 賣相都可以，但係一食落口就真係想掟煲呀， 嗰啲飯乾爭爭，硬到成日都唔會爛，完全係生米咁。一食就知唔係放在爐頭煮，係一早整定然後放落煲仔度，等到有客人要就煲熱。…完全唔係煲仔飯，我哋兩個煲仔飯都係一樣係生米咁，咁其他嗰啲我諗都係一樣㗎啦。終於食咗人生最難食嘅煲仔飯😭😭😭😭😭