Homeland (牡丹大廈) (已搬遷) 新店位置

大角咀呢間黃店好幾次經過都冇衝動想入去，今次係因為朋友話有興趣先試，反正唔好食都係一次，試一次咁多！八爪魚三色藜麥沙律$58黑醋汁配沙律永遠都係冇得輸既！沙律既份量大，食落都新鮮爽口八爪魚有啲燒過既味道、口感不錯👌🏼酥炸白飯魚配柚子醋$88呢個同想像既有落差🙃白飯魚冇乜味，落左好多七味粉定辣粉既調味，炸出黎既口感麻麻，柚子醋味道唔突出。冬蔭公海蝦闊條麵$128呢間店手工意粉係其中一樣名物，所以我地都決定試一試～賣相係幾靚，不過食完之後都係個句「打卡之作」！冬蔭公汁唔夠濃闊條麵有咬口，都算OK蝦食落都爽口的～我個人就唔會幫襯第二次，一來食物唔算突出，二來環境太迫啦！