鍾菜 (已結業)

元旦日放假, 同老公去mega box行街街, 老公聽聞好多人話鍾菜啲食物唔錯, 所以決定嘆吓荼,3點鐘去到都好多人等位, 大約等咗20分鐘就有位, 開咗壺水仙, 唔知點解我覺得啲味似人參烏龍多啲...另叫咗八樣點心~香煎脆芋餅~比個名呃咗,好似薄撐咁,伙記放低果時我仲似為佢比錯野我地, 味道方面呢就一啲都唔脆,只可以話係熱, 芋味唔特出, 好彩有啲虾米釣下味...叉燒腸粉~未試過食只有兩條嘅腸粉,好似比人偷食咗一條咁, 味道一般,唔算好滑...旋風奶黃包~唔明點解要做個旋風效果, 完全唔覺有可可味,但係當佢係一個正常嘅奶黃包食,味道係ok嘅...小籠包~係湯上嘅, 用匙羹"不"上嚟個皮已經穿咗, 所以唔知裡面有冇湯汁同咩味,總之覺得啲小籠包比啲湯浸咗好耐咁囉...鮑魚菇鴨掌~尚可接受,但凍咗之後啲汁就"琼"晒喺鴨掌度,要搵小籠包啲湯洗下先夠膽食...鹹水角併蘿蔔糕~蘿蔔糕多粉,鹹水角多油...鮮竹卷~唔覺好多肥豬肉,做得幾好...芝麻xx滋(唔太記得個名)~炸甜點嚟嘅,外面好似鹹水角個皮咁,裡面好似湯丸啲麻蓉咁,如果減返啲甜度就好味好多...綜合以上八樣點心嘅批評,其實真係好似冇咩好