影片
更多
2019-07-15
152 浏览
同朋友相約喺度食晚餐，預先book咗位所以唔使等位就有得入座。正如標題所講，唔係好知呢度係點玩法，淨係知道坐低之後就有個侍應走來俾咗個前菜我哋，叫我地食先。係日式麻醬豆腐，正正常常好難唔好食。之後我哋帶咗小辣嘅雞煲，雞嘅份量都好多，呢張相係已經食咗一半咁滯，所以我哋食極都食唔完，同埋個朋友唔係好食得辣，所以我哋都係食唔晒就要轉做打邊爐。係等緊期間，佢拎咗一盤魚生俾我哋食，原本我覺得係呢啲地方食魚生唔應該有期望，但係啲魚生出奇地新鮮，真係唔錯。順帶一提，一入座嘅時候佢俾咗一支飲品同一碟雲耳我哋食，個飲品係檸檬薏米水甜甜地都幾好飲，雲耳有蒜蓉去撈好香都幾好食。呢度唔同其他食雞煲同打邊爐嘅地方，佢係會成個雞煲拎走換第二個鍋俾你打邊爐，我哋揀咗3.6牛乳豬骨湯，個湯底好香。之後就自動波黎左一大堆食材有海鮮有牛肉同埋我最鍾意嘅午餐肉，牛肉好夠牛味好香，應該係高質牛肉黎。魚同蝦都唔係好啱我，所以畀晒個朋友食。之後再嚟左啲熟食有聖子鮑魚花膠等等。全部都有調味叫做幾好食，但係食晒呢啲佢自動幫我拎來的食材已經好飽。其實另外仲有一對丸同埋餃，我哋連蝦滑嗰啲都未落就已經飽到食唔落，仲要剩返好多嘢未食添，所以
正如標題所講，唔係好知呢度係點玩法，淨係知道坐低之後就有個侍應走來俾咗個前菜我哋，叫我地食先。
係日式麻醬豆腐，正正常常好難唔好食。
之後我哋帶咗小辣嘅雞煲，雞嘅份量都好多，呢張相係已經食咗一半咁滯，所以我哋食極都食唔完，同埋個朋友唔係好食得辣，所以我哋都係食唔晒就要轉做打邊爐。
係等緊期間，佢拎咗一盤魚生俾我哋食，原本我覺得係呢啲地方食魚生唔應該有期望，但係啲魚生出奇地新鮮，真係唔錯。
順帶一提，一入座嘅時候佢俾咗一支飲品同一碟雲耳我哋食，個飲品係檸檬薏米水甜甜地都幾好飲，雲耳有蒜蓉去撈好香都幾好食。
呢度唔同其他食雞煲同打邊爐嘅地方，佢係會成個雞煲拎走換第二個鍋俾你打邊爐，我哋揀咗3.6牛乳豬骨湯，個湯底好香。
之後就自動波黎左一大堆食材有海鮮有牛肉同埋我最鍾意嘅午餐肉，牛肉好夠牛味好香，應該係高質牛肉黎。魚同蝦都唔係好啱我，所以畀晒個朋友食。
之後再嚟左啲熟食有聖子鮑魚花膠等等。全部都有調味叫做幾好食，但係食晒呢啲佢自動幫我拎來的食材已經好飽。其實另外仲有一對丸同埋餃，我哋連蝦滑嗰啲都未落就已經飽到食唔落，仲要剩返好多嘢未食添，所以根本唔知呢到係佢一早安排好我哋食咩，定係其實可以任點嘢食。
飽到郁唔到，諗住埋單，點知個店員問我地用現金俾定信用卡俾，現金俾就有呢一個椰汁燕窩，信用卡就有涼粉。好彩份量都唔係大碗，所以叫做食得到。總結係根本唔知係唔係任食，但係佢原本包俾我哋自動波會送上嚟嘅嘢食都已經超級足夠我哋食，食物質素係好嘅，任飲嘅飲料種類都算多，店員好殷勤，環境都好闊落，但係唔知點解就係唔係好想再去下一次。
张贴
