影片
更多
2009-05-25
42 浏览
工友食評:見元氣搞個咩"大滿足"好似幾抵食咁，就入來食lunch﹗大滿足的意思是多款壽司賣九蚊，以為好抵啦，點知原來係九蚊件，咁就其實計計下都係差唔多，取巧左0的喎﹗一set過要哂所有九蚊壽司，最值得一讚的是池魚，鮮甜好味﹔特大帆立貝其實都唔算好大吧，同板長的大貝比差得遠，吃落是肥美卻不見鮮味﹔最差的是他他牛，好似食紙咁無肉味的，可以不叫﹗再來一個蜆湯，第一隻食到的蜆已經有沙，貝殼類之大忌，仲要呢0的湯都有沙，叫我點飲？不想再談了﹗天婦羅炸蝦卷即叫即炸做得香脆，食時件蝦仲係熱辣辣的，好味﹗唔多滿足自己叫多碟三文魚壽司頂頂肚，反而最簡單的東西最肥美動人，吃過齒脥留香。其實食刺身壽司唔洗放咁多蔥呀、漿呀、汁呀等等既調味落去，根本落左之後變左食調味，吃不到其鮮，不如吃加工野吧﹗埋單$105，可以更好，可以更加滿足的﹗
見元氣搞個咩"大滿足"好似幾抵食咁，就入來食lunch﹗
大滿足的意思是多款壽司賣九蚊，以為好抵啦，點知原來係九蚊件，咁就其實計計下都係差唔多，取巧左0的喎﹗
一set過要哂所有九蚊壽司，最值得一讚的是池魚，鮮甜好味﹔特大帆立貝其實都唔算好大吧，同板長的大貝比差得遠，吃落是肥美卻不見鮮味﹔最差的是他他牛，好似食紙咁無肉味的，可以不叫﹗
再來一個蜆湯，第一隻食到的蜆已經有沙，貝殼類之大忌，仲要呢0的湯都有沙，叫我點飲？不想再談了﹗
天婦羅炸蝦卷即叫即炸做得香脆，食時件蝦仲係熱辣辣的，好味﹗
唔多滿足自己叫多碟三文魚壽司頂頂肚，反而最簡單的東西最肥美動人，吃過齒脥留香。
其實食刺身壽司唔洗放咁多蔥呀、漿呀、汁呀等等既調味落去，根本落左之後變左食調味，吃不到其鮮，不如吃加工野吧﹗
埋單$105，可以更好，可以更加滿足的﹗
张贴
