西門町台灣麵食 (已結業)

睇左樓上咁多食評,同事又介紹話呢間台灣野好食,咁我又鐘意食台灣野喎,咪去試下囉,抱著一大堆好同壞既食評,又話呢間食店既人態度唔好,咁同老公去到DINNER,開門話兩位,又有人理我地喎,咁比我第一個印象就係佢門口果位阿叔既態度唔差囉,之後等左3分鐘就有位,入到去本身都已經爆滿,阿叔都有問左我地一句,坐卡位要坐一邊喎OK唔OK?咁老實講人地咁細間食店,當體諒下人地囉又唔係叫我坐地下,不過TO BE HONEST,可能本身我同老公都唔係瘦,D位就真係太窄了,之後我果位大食老公乜鬼都想食,又係門口見到人地果枱人食"肉燥飯"好鬼細碗,我老公本住一心想試既心態,死都叫一碗囉,但又想食出名既牛肉麵喎,結果我地兩個人"好大食"咁叫左兩個麵一個飯,個飯黎到真係比佢嚇死,超大碗囉,不過,,,,肉燥飯既肉燥又真係太少,少到撈唔"雲"一碗飯囉,味道就淡左少少,,,但都可以接受,之後就黎左老公果碗牛筋麵啦,老公就話碗麵好好味,花生醬味好濃,少少辣,唔錯,之後我果碗牛肉牛筋麵,我想講,牛肉好味,牛筋好"林"好好味,但係我想講,太鹹啦,我本身又唔太鐘意食有花生醬味既湯麵,所以,我自己覺得,呢間台灣餐廳,值得一試,但