港土茶記 (已結業)

週日，tea time, 經過在 L'Place 新開的港土茶記，知道是標榜健康、真味鴛鴦飯店的老板所開，亦注意到此健康茶餐廳的路線已引起 OR 一眾食友的紛紛議論，而喊臉更是大比數壓倒笑臉，我相信冇實踐者冇發言權，決定內進一試是堅是流！館子的環境不錯，比一般茶餐廳企理，地方寬濶，店子中央是個大 open kitchen and bar seats，左邊是一列卡位，右邊是舊茶餐廳式的圓枱木櫈，兩邊牆畫了些好味、菠蘿包等公仔，天花亦是吊扇、吊燈的懷舊玩意，新、舊的裝修意念 cross-over 得唔錯，先留下好印象。侍應人數不少，當天所見，可能比顧客還多，枱椅都打抹收拾得快，亦有禮貌，又過一關！最重要的食物又如何呢？我們点了兩個 tea sets share:豉汁河一食進口，感覺就是淡，唔夠味，但要健康就要少鹽少油，將就吓啦，慢慢食落去，開始習慣一点，又不覺先前的淡了，口味是可以改變的嘛，俾個机會自己的健康吧！烘了的旦牛治就有驚喜，蛋炒得金黃，夠蛋香，牛不是傳統牛治用的罐頭 corned beef ，是手切成粒粒的，有咬口，配上炒蛋及烘得香香的多士，中意整体而言，唔係傳聞咁差，值得一試，