影片
更多
2009-04-10
35 浏览
前日(8-4-2009Wed)相約男友去食元氣壽司,但7:40pm到達時,太多人,唔等喇.咁食咩呢?越南o野吧,就o黎呢間啦.o黎到,都唔可係好多人,好快就有位,今次我o地坐室內,同隔離拍得幾埋.我同男友揀o左$198.00o既2人套餐,再加$1.00要地道啦爺糕(3件).等o左一陣,最先o黎到o既竟然唔係串燒,而係:3. 金不換醉雞男友話啲雪雞又’鞋’又冇雞味,接受唔到汁o既味道,同埋佢有豆腐o係o度.但我食o個兩件雞又唔係好’鞋’喎,豆腐索o左啲汁都OK.味道: 2.5分2. 蝦乾蓉蒸粉包拼網絲鳳尾蝦網絲鳳尾蝦熱辣辣,網絲都炸得好脆,蝦唔係好有味.味道: 2.5分蝦乾蓉蒸粉好普通.味道: 3分5. 牛肉酸湯水晶粉(2細碗)其實都唔細碗,但水晶粉漿埋一pat pat,一夾就好大撮,真係好好夾,好方便.牛肉只係得兩片,其他o既係蕃茄同菠蘿.男友食落,話酸辣,但酸多過辣.而我食落食落,水晶粉好糊,味道真係酸多過辣,牛肉都食唔到咩味.味道: 2.5分4. 嫩湯野菜鍋湯幾清,菜有幾種菇,椰菜花同好多白菜.呢個都冇咩難度,OK.味道: 3分1.串燒豬,牛各2串最後至上,加o左微甜o既沙爹汁食,
o黎到,都唔可係好多人,好快就有位,今次我o地坐室內,同隔離拍得幾埋.
我同男友揀o左$198.00o既2人套餐,再加$1.00要地道啦爺糕(3件).等o左一陣,最先o黎到o既竟然唔係串燒,而係:
3. 金不換醉雞
男友話啲雪雞又’鞋’又冇雞味,接受唔到汁o既味道,同埋佢有豆腐o係o度.但我食o個兩件雞又唔係好’鞋’喎,豆腐索o左啲汁都OK.
味道: 2.5分
2. 蝦乾蓉蒸粉包拼網絲鳳尾蝦
網絲鳳尾蝦熱辣辣,網絲都炸得好脆,蝦唔係好有味.
味道: 2.5分
蝦乾蓉蒸粉好普通.
味道: 3分
5. 牛肉酸湯水晶粉(2細碗)
其實都唔細碗,但水晶粉漿埋一pat pat,一夾就好大撮,真係好好夾,好方便.牛肉只係得兩片,其他o既係蕃茄同菠蘿.
男友食落,話酸辣,但酸多過辣.而我食落食落,水晶粉好糊,味道真係酸多過辣,牛肉都食唔到咩味.
味道: 2.5分
4. 嫩湯野菜鍋
湯幾清,菜有幾種菇,椰菜花同好多白菜.呢個都冇咩難度,OK.
味道: 3分
1.串燒豬,牛各2串
最後至上,加o左微甜o既沙爹汁食,味道唔錯,肉都仍有肉汁.
味道: 4分
6. 精選甜品~黑糯米
o黎到時係微暖o既.食落我覺得唔係甜品,因為一啲都唔甜.差.
味道: 1分
7. 地道啦爺糕
個樣好靚,又係微暖o既.呢個係馬豆蓉椰汁糕,食落口感煙煙韌韌,亦係唔夠甜,不過又好漏.
味道: 2.8分
衛生:
有隻小昆蟲飛o黎飛去,好煩.
服務:
好有禮貌,只係上菜時要等.
環境:
不過不失啦,但冇出面咁闊落.
其他:
1. 水杯係鋼做,但杯邊薄身,好易’界’損個咀.
2.調味碟設計唔錯,魚露o既有個尖啲o既位,可以令客人倒得企理;而沙爹汁o既就兩邊尖,令客人成串放落去蘸都好方便.
埋單:$218.90
张贴
