湯•米 (已結業)

之前去咗一間叫做「湯．米」嘅餐廳，雖然喺將軍澳一個僻靜嘅角落，但係絕對值得一試！首先，佢嘅招牌臭臭鍋真係好好味啊！越食越臭，越食越濃，齒頰留香（臭），真係非常適合喜歡臭豆腐嘅人🫶🏻同埋佢嘅香辣牛肉鍋都唔錯，我叫左中辣，有三小辣嘅辣度，加上配料充足，真係好食！而鹽酥雞扒就更加好食啦，香脆而且夠厚，非常有肉感👍🏻如果你鍾意辣味嘅話，可以試埋個麻辣臭豆腐，麻麻辣辣，食左臭臭鍋再食，就會顯得無咁臭😎最後，我推介一下佢嘅滿杯菠蘿同純茶王8號。滿杯菠蘿好飲，解辣，有菠蘿肉，相信真係用菠蘿新鮮搾出黎🤩。而純茶王8號係叫左走糖，飲到真正嘅茶香👍🏻總括而言，「湯．米」係一間好好味嘅餐廳，雖然係有點僻靜，但係絕對值得一試！