尖沙咀凱悅酒店咖啡廳

10月份自助晚餐逢六日有熱騰騰阿拉斯加蟹供應，是日滿心期待，6:30入座即有人連座位也不坐定就去排隊等候，香港有乜野都要排隊本來都慣了，一開就等20分鐘，排得每人一隻蟹腳，若要一齊有得食就要一齊扶老携幼排。一晚有幾多個二十分鐘？好啦，清高啲，不排隊去食第二樣啦，咁就糟了，以往在刺生檔有帶子，大大隻牡丹蝦等，現在全冇了，只得三幾款基本刺生，三文魚，吞拿魚及墨魚鬚。連壽司也只得一兩款，失望到不得了。凍海鮮也沒有了長腳蟹，蝦也不是靚的，睇見也不知想食甚麼好。堂煎羊鞍及鵝肝也是要排隊，格調都低晒！本來有一位置是有魚即煎的，以前選擇咗行䦕幾分鐘就可返來取，但而家檔口前排了很多排蟹腳的人，你一請他們借借，他們就好驚你插隊⋯，完全不是味兒。以前咖哩檔有燒雞等，而家不知仲有冇，因為太多人集於該處等侯熱蟹，所以全程最好是去線尾，食碗越南河粉，斬件燒味飲兩碗湯，幾款煮到黑麻麻的熱餸，之後甜品，咁嘅自助餐，700元就💸了。期待食好啲，全程站著在外排隊，連聚餐傾計的時間都冇，除非你唔食或只食閒嘢，咁去酒家圍坐叫一隻阿拉斯加巨蟹仲好過。有綽頭叫人去食係好，又真的很好鮮美，排隊也無辦法，但為何6:30開始，他不在