影片
更多
2021-09-10
78 浏览
行完PMQ ，過對面馬路有間旅窩。一入呢個窩就有股文青的氣色，門口放咗好多唔同國家的旅遊書同小冊子，仲有個世界地圖，好掛住去旅行的日子...店舖主打天然台灣味道，亦不加味精，款式好多，通常我都會鐘意店員有咩好介紹，就揀咗以下幾樣：香蔥滷牛𦟌乾拌麵(原味)（$88）大大塊的滷牛𦟌超級入味，牛味濃烈，肉質非常嫩滑，阿婆都食到個種，除咗牛𦟌外仲帶幾件牛筋，口感軟滑，膠質好豐富。佢用咗煙煙韌韌的粗麵，原味醬汁帶點麻醬味道，剛好掛滿每一條麵條，還有灑上少許芝麻同加入爽甜的紅椒、青瓜、洋蔥絲，感覺清新不膩，適合夏天品嚐。(大推)Baileys 朱古力粒粒忌廉糯米窩夫 配 雪糕 （$136）老闆話窩夫係用糯米粉做的，食落去外脆內軟，帶MOCHI MOCHI 的口感，呢個從未食過咁正的口感，超推！！！Baileys 朱古力醬帶少許酒味，真係一啖接一啖! 窩夫上有CREAM 同牛奶朱古力粒做點綴。雪糕有多款選擇，豆腐雪糕的清甜同朱古力的濃烈作一個強烈對比。右：濟洲島柚子香蜜梳打（$52）左：熱情果夕陽梳打（$52）店員特別介紹支檸檬味糖霜整成的飲管，飲飲下仲可以食埋佢㗎，體現走飲管的環保理念，檸檬味的飲
行完PMQ ，過對面馬路有間旅窩。一入呢個窩就有股文青的氣色，門口放咗好多唔同國家的旅遊書同小冊子，仲有個世界地圖，好掛住去旅行的日子...
店舖主打天然台灣味道，亦不加味精，款式好多，通常我都會鐘意店員有咩好介紹，就揀咗以下幾樣：
香蔥滷牛𦟌乾拌麵(原味)（$88）
大大塊的滷牛𦟌超級入味，牛味濃烈，肉質非常嫩滑，阿婆都食到個種，除咗牛𦟌外仲帶幾件牛筋，口感軟滑，膠質好豐富。佢用咗煙煙韌韌的粗麵，原味醬汁帶點麻醬味道，剛好掛滿每一條麵條，還有灑上少許芝麻同加入爽甜的紅椒、青瓜、洋蔥絲，感覺清新不膩，適合夏天品嚐。
(大推)Baileys 朱古力粒粒忌廉糯米窩夫 配 雪糕 （$136）
老闆話窩夫係用糯米粉做的，食落去外脆內軟，帶MOCHI MOCHI 的口感，呢個從未食過咁正的口感，超推！！！Baileys 朱古力醬帶少許酒味，真係一啖接一啖! 窩夫上有CREAM 同牛奶朱古力粒做點綴。雪糕有多款選擇，豆腐雪糕的清甜同朱古力的濃烈作一個強烈對比。
右：濟洲島柚子香蜜梳打（$52）
左：熱情果夕陽梳打（$52）
店員特別介紹支檸檬味糖霜整成的飲管，飲飲下仲可以食埋佢㗎，體現走飲管的環保理念，檸檬味的飲管令梳打多咗一層風味，玩味十足。熱情果梳打出面都好少見，味道香濃，而柚子香蜜梳打可以食到果肉，清新香甜。
比錢的時候老闆仲送我一張明信卡，真係好想去旅行啊，下次要黎試午餐先有嘅便當！
张贴
