意樂餐廳 (香港仔中心)

营业中

休息中

母親節正日食飯，雖然唔係慶祝母親節，同朋友食個飯啫，不過都幾怕無位，難得呢間竟然唔使等位，就入咗嚟啦。有朋友完全唔食麵粉類嘅，唯有全部揀飯囉，都無咩所謂，都係食得好開心嘅，4個人叫咗4個餐，share來食。葡汁雞皇焗飯 $68（套餐包餐湯+飲品）原來係套餐，好抵食，有湯有飲品，餐湯應該係忌廉湯，好濃滑，奶茶都唔錯。個飯都幾多芝士，好香。一口黑椒牛柳粒 配 珍珠飯 $70呢個好正，黑椒好惹味，牛柳粒好有咬口，不過我唔可以食太多，因為唔知點解我唔太適應黑椒嘅辣味，個人覺得比較辣。不過因為太惹味，令人食完想再食。脆炸魚柳滑蛋蓋飯 配 西西里茄汁 $60我最鐘意呢碟，酸咪咪好開胃，魚柳就炸到外脆內嫩，無骨落地就最好啦，滑蛋都唔錯，半生熟好有蛋味。蒜香豬滑蛋蓋飯 配 西西里茄汁 $60都係西西里汁，酸甜酸甜，豬扒好淋，我就唔係咁鐘意，喜歡有咬口多啲。