Mimila (已結業)

香港無咩地方食馬來菜，仲係要係大商場，呢間mimila係沙田新城市，地點好方便。黎個時仲係6點幾, 一入去就有位，環境乾淨企理。 見餐牌有沙嗲魷魚翼, 幾得意，原來可以就咁食個翼位，口感比較爽脆，微辣得黎好過癮。 之後就係老巴剎雞翼, 炸得啱啱好，外脆內軟，推薦！ 牛肉撈麵，佢麵同湯分開上，有蝦籽撈埋，仲有好多配料，清清地都唔錯。 馬來辣蝦麵，麵底揀左「摻摻」，即係油麵加米粉，兩款麵都食到，湯底濃郁，仲有好多蝦，足料！最後仲試左榴槤蛋捲，一上檯榴槤味勁香，啲餡好軟滑，兩三啖就KO左。仲嗌左菠蘿梳打同桔子蜜解解渴，菠蘿梳打調得啱啱好，好開胃。