洪瑞珍 (朗豪坊) (已結業)

💓記得第一次食洪瑞珍三文治，係台灣朋友嚟香港玩既時候專登買俾我嘅手信，好記得係滿漢口味，口感鬆軟又有火腿同埋芝士、蛋皮同佢哋傳統秘方美奶滋，真係好好食😋估唔到而家就算飛唔到去唔到台灣，喺香港食到啦！🥳最新開嘅朗豪坊分店仲好近我屋企添!.今次試晒4 款經典口味同埋全線分店推出既2 款新口味:藍莓起司及柑桔柳橙起司，等我一次過分享吓啦！🔴滿漢有齊招牌火腿同埋芝士同蛋皮喺入面，口感層次豐富，配合埋鬆軟嘅吐司同秘製美奶滋，當年第一次食到嘅美味回憶返晒嚟！🤩🟠招牌火腿唔鍾意食芝士嘅朋友推薦食呢一款，蛋皮同秘製美奶滋既味仲更加突出添！🟡原味起司芝士迷食呢款就啱晒啦！淡淡滿足芝士鹹香🧀呢款都有蛋皮同秘製美奶滋㗎！🟢芒果起司蛋皮走咗，換上既係香甜芒果醬，仲有芒果肉粒㗎！配埋芝士同秘製美奶滋，好夾呀！🔵藍莓起司新口味！同樣果醬系列，藍莓果醬酸酸甜甜又有藍莓肉粒，配埋芝士同秘製美奶滋嘅最佳組合！正！🟣柑桔柳橙起司新口味！同樣果醬系列，柑桔柳橙果醬好清新又開胃，有啲似柚子蜜💕 配埋芝士同秘製美奶滋，一樣咁受歡迎👏🏻