高麗軒韓國料理 (已結業)

搵食兵團又出動…… 今次團友話好耐冇食韓燒🔥 所以揀咗呢間「高麗軒」！放題嚟嘅，生熟食物款式都算多，食物質素可以😋 落單用手機掃QR Code，上菜速度算快手。7:15pm前埋單成人收費$258，長者小童收費$198⋯⋯食物方面，推介酸蘿蔔，酸酸甜甜好開胃，其他前菜都唔錯👍🏼 牛舌，必點，切得算厚身，好香牛味💋 西冷牛扒，肉質軟嫩，燒十秒左右就夠晒🔥豆腐辣湯，少少辣又帶少少甜，幾好味😋 辣醬黑毛豬腩，醃得好味🎉 泡菜煎餅好食，但唔記得影相🤣 他他牛，影相OK，不過冇咩味道🤷🏻‍♂️其他肉類就OK啦！ 叫碟生菜🥬同蔬菜夾埋啲肉一齊食，可以解一解肥膩嘅感覺⋯⋯ 飲品方面汽水、烏龍茶、果汁係任飲嘅，支米酒就盛惠$78。