Pop Street (已結業)

有朋友仔住西營盤，今晚訪友之餘梗係要醫肚，佢哋話第三街有間出名手工啤酒嘅酒吧，多國設計加上酒好好飲，啱哂食嘢傾計。酒呢就啱佢哋多啲，我去試下異國風味！去到真係幾chill，工業風裝修加少少南國裝飾，fusion味濃厚！不過餐單真係好多都同酒有關，好似小食就似係為餸酒而設。但其實無咩所謂，因為就咁食唔餸酒都好好味！墨西哥粟米片咸甜夾雜，每啖都有新鮮感，正！至於牛坑腩拉絲薯條就好fusion，芝士夾牛腩呢個配搭幾得意。不過我自己最愛就係佢個羊仔炒薯仔，我估應該有用慢煮，因為唔韌好易咬，味道又好濃郁！個人對騷味無咩反應，不過同行嘅女孩子就好驚騷嘅，但佢話好味，仲話好似鴨胸咁冧身添。見兩個朋友仔飲嘢飲得咁開心，我又同老浪叫咗支gingerilla，藝術風樽裝加上非常濃厚嘅薑味，同一般牌子都幾唔同！推薦！