唐記包點 (黃埔天地奇妙坊)

超想試唐記新出嘅阿華田包同阿華田奶茶，今日專程嚟到順便買埋晏返屋企食！

我地嗌咗阿華田包、沙嗲牛包同個腸粉
嘢飲嗌咗奶茶同黑豆漿

個阿華田包食落第一啖見啲顏色唔係好深
點知咬多啖真係流晒啲漿出嚟😱😱😱好濃！！
嗜甜人士如我大愛😍😍😍
個奶茶無乜阿華田味
可能因為我個包搶晒味😂
但同之前飲過嘅奶茶底係一樣咁香濃，正！！

我地另外嗌咗糯米雞同鳳爪排骨飯
糯米雞之前食過覺得啲料好豐富抵食
鍾意佢啲叉燒同雞翼😋
個鳳爪排骨多到呢🤨🤨食到勁飽！

兩個人夾埋都唔使$100
但已經搞掂咗早午餐
所以就算要行十幾分鐘先買到，我都係成日去買😂