影片
更多
2025-07-10
199 浏览
最鍾意發掘呢種「門口唔起眼，但入去就差唔多 full 嘅餐廳」。Vol.1 位於一幢唐樓樓上，唐樓好有 authentic 嘅港式懷舊風格，而餐廳就行文青風。上到去，感覺同樓下嘅景隆街完全唔同，完全係另一個悠閒、優雅嘅空間，幾適合拍拖嚟。食物嚟講，呢度都好有誠意，賣嘅係手工意粉，大約 $130 左右一碟。喺銅鑼灣呢個咁方便位置，又係手工意粉，價錢合理。🍝 意式香草肉丸辣番茄芝士忌廉手工寬麵條（辣）辣度適中，提升咗番茄醬嘅酸香。肉丸好大粒，鍾意呢種鬆軟但又彈牙口感嘅肉丸，咬落會多汁啲。芝士忌廉好掛汁，手工意粉比普通意粉煙韌、有咬口，雖然醬汁好濃郁，但都食到少少麵粉香味。🍝 自家製龍蝦汁蟹肉手工寬麵條見到隔離枱呢個意粉好香，於是都嗌一份。果然正！醬汁超濃郁，食到龍蝦香味，蟹肉亦都唔孤寒，俾夠大大份，夠晒足料。醬汁 cover 哂意粉麵條，好 creamy，但又唔會膩，份量啱啱好。🍰 雙層朱古力巴斯克蛋糕呢個巴斯克蛋糕嘅朱古力味好香濃，口感濕潤之餘帶少少鬆軟，唔會過實。上面層cream帶少少鹹味，蛋糕本身唔太甜，所以balance得幾好，唔會覺得滯，中間仲有少少流心感覺。🥛 抹茶鮮奶居然有埋
Vol.1 位於一幢唐樓樓上，唐樓好有 authentic 嘅港式懷舊風格，而餐廳就行文青風。
上到去，感覺同樓下嘅景隆街完全唔同，完全係另一個悠閒、優雅嘅空間，幾適合拍拖嚟。
食物嚟講，呢度都好有誠意，賣嘅係手工意粉，大約 $130 左右一碟。
喺銅鑼灣呢個咁方便位置，又係手工意粉，價錢合理。
🍝 意式香草肉丸辣番茄芝士忌廉手工寬麵條（辣）
辣度適中，提升咗番茄醬嘅酸香。肉丸好大粒，鍾意呢種鬆軟但又彈牙口感嘅肉丸，咬落會多汁啲。芝士忌廉好掛汁，手工意粉比普通意粉煙韌、有咬口，雖然醬汁好濃郁，但都食到少少麵粉香味。
🍝 自家製龍蝦汁蟹肉手工寬麵條
見到隔離枱呢個意粉好香，於是都嗌一份。果然正！醬汁超濃郁，食到龍蝦香味，蟹肉亦都唔孤寒，俾夠大大份，夠晒足料。醬汁 cover 哂意粉麵條，好 creamy，但又唔會膩，份量啱啱好。
🍰 雙層朱古力巴斯克蛋糕
呢個巴斯克蛋糕嘅朱古力味好香濃，口感濕潤之餘帶少少鬆軟，唔會過實。上面層cream帶少少鹹味，蛋糕本身唔太甜，所以balance得幾好，唔會覺得滯，中間仲有少少流心感覺。
🥛 抹茶鮮奶
居然有埋拉花！好照顧鍾意打卡嘅食客。
🍹 百香果菠蘿桂花烏龍茶
清新解膩，好有夏日氣息。
张贴
