東歐餐廳 (已搬遷) 新店位置

其實我有一年多冇去Ivan the Kozak。之前都可以話係常客。原因好簡單：同大家一樣，覺得d 野好食，可惜d服務態度就好離譜! 簡直好似時光倒流20 年國內的服務態度咁。大佬啊，我來食餐飯，開開心心，你地塊面洗唔洗咁黑呀。如果你話呢個係烏克蘭waiter 的特色，個個都好似送殯咁款，我就真係無言。(但係妮度係香港喎) 。我對上一次吃了紅菜頭魚批，幾好。豬扒亦不錯。個湯都ok (當時重有sour cream) 焗牛利都好正。一直吃都朱古力蛋糕都ok，但係一叫俄羅斯茶就出事–我地2個人，因為吃得好飽，so 只叫了一杯。之後想share，問佢要多個杯，但係個waitress 就黑起塊面話no，it’s for one person only. 喂，我幫趁你幾百蚊，又開wine 又飲vodka，你洗唔洗咁孤寒呀! 我又唔係要你番渣，加水! 呢個就係導火線。從始之後我就冇去過。重有，d 野雖然ok，但冇以前咁好味。以前俄羅斯茶用一個好大好靚的茶壺，而家就用白色的茶樓茶壺…唉…我好鐘意出外吃飯，每逢有餐廳做得不好，我都覺得非常可惜。真希望個香港老板可以檢討一下。