板前壽司 (已結業)

尋日, 我同d friend去咗銅鑼灣嗰間板前食嘢, 家因之前同friend 去食世貿中心嗰間Hip Sushi, 佢哋話同板前屬同一公司, 不過一食就知道唔係la, 連Hip嗰度d師傅都話唔係, 但係我d friend唔信, 可能因為雪村同板前係同一公司, 以為Hip都係掛。所以, 我同佢哋去食板前囉。板前果然保持一貫水準, 不過就排好鬼死耐, 有時都唔明點解d人365日, 唔理係打風落雨, 定係熱到抽筋, 都排鬼死咁耐去食, 當然我係其中之一, 無法la, 食過一次就忘記唔到嗰種味道。So 我一入去就即刻介紹d friend 食幾款sushi, 佢哋都話“正”呢。珍寶帆立貝, 大大隻原粒帶子, 見到都口水流, 入口仲好鬼“full”添。金目錭, 一片紅肉, 就好似一片紅色楓葉咁, 實際上當然無咁大塊la, 但食落口香甜鮮美, 簡直一絕。吞拿魚tuna, 超肥美, 入口即溶。今次仲試咗新嘢, 就係火灸和牛同火灸魚背, 係意想唔到咁好食, 值得一試再試。不過d加洲卷同三文魚籽筋就麻麻, 仲有d待應好鬼cool囉, 叫十次應一次, d師傅又無口罩, 有待改善。