哥哥添飯•妹妹泡茶

营业中

休息中

由火炭嘅外賣店幫襯到大埔嘅堂食店，而家連觀塘都有分店，呢度嘅食物水準依然高企而且菜式甚具創意。餐廳裝潢以橙白色為主調，搶眼得黎啲膠凳仲有啲y2k feel，非常新潮，下次想試埋芋圓。𖦹 招牌牛腱肉牛筋麵 $82牛腱肉軟嫩入味，牛筋口感軟腍，湯頭濃郁，加上蟲草花，香氣十足。麵條使用台灣直送關廟麵，麵質煙韌彈牙，超掛湯。𖦹 一人過激超麻脆炸雞配青咖哩素菜蛋飯丼 ＄88 係韓式炸雞同台灣鹽酥雞嘅Crossover！一上枱已經聞到陣陣花椒麻辣味，非常刺激；雞肉極嫩，應該係有史以嚟食過最嫩滑嘅炸雞雞肉🥹🥹🥹。青咖喱creamy，拌飯一流，仲有勁多椰菜花、西蘭花、菇等蔬菜。𖦹 芝士肉鬆蛋餅 ＋＄26外皮煙韌好足料，一咬開係滿滿嘅肉鬆。𖦹 燒仙草奶茶鐵觀音 +$18奶茶嘅奶偏多，好彩無蓋過鐵觀音嘅茶香，仙草超滑份量多。𖦹 甘香西柚百香果氣泡茶 ＋＄25有柚子肉、椰果、橙、青檸，百香果味同西柚味相當合襯，係屬於夏天嘅飲品。最誇張係啲蘆薈多到，飲曬杯嘢保守估計仲有至少廿粒喺底😂😂😂😂😂。