哥哥添飯•妹妹泡茶 (已結業)

朋友公司樓下開咗間新台式食店，就叫我一齊食個晚餐🥢🥢🥢我地到個陣都已經8點，舖頭都依然好多人。我地叫咗好多食物一齊share～紅燒牛肉湯麵套餐、夜市小香腸拼滷肉飯套餐、避風塘炸燒賣、九層塔鹽酥雞球、老細萬歲黑糖珍珠厚奶茶、混一式綜合手工芋圓🤤晚市套餐包咗三小碟前菜，主食，時菜，水果。一個套餐已經好飽！紅燒牛肉湯麵套餐 $88前菜好好味，特別係椒鹽爆溪蝦，好脆！紅燒牛肉湯麵份量好多，有幾片厚切牛𦟌同大大件牛筋，好入味。夜市小香腸拼滷肉飯套餐 $82滷肉飯同夜市小香腸好有台灣風味～仲可以拌少少酸菜同青瓜絲一齊食。最後仲有水果食，好有家的感覺！避風塘炸燒賣 $16 / 6粒好香口嘅炸燒賣，加上避風塘味粉同炸蒜，好惹味。九層塔鹽酥雞球 $28鹽酥雞球香脆可口，肉質嫩滑。老細萬歲黑糖珍珠厚奶茶 跟餐$18好香滑嘅奶茶，奶香十足，加上黑糖，入口幸福感滿滿。混一式綜合手工芋圓 $44碗入面有超多配料！芋圓、地瓜圓、紫薯圓、愛玉、珍珠、紅豆、綠豆、蘆薈。可以揀黑糖薑汁/椰汁。我地揀咗椰汁底。三款圓都好香好Q彈。加埋粒粒蘆薈，口感更有層次。