嚐仙 (已結業)

我同朋友共五個人 ，3大人，2位小朋友8月20號星期日，下晝六點鐘光顧旺角分店估唔到係食得咁辛苦第一， 員工們男男女女集中在水吧內不斷嬉戲， 大聲開玩笑， 噪音響遍餐廳 ； 成功造成. '員工開party ，食客勿打擾' 之氛圍， 服務水平之低，係地核級水平第二， 分店要先揀好食物才可以入座， 所以一行五人要企喺個店外，花時間揀一輪先至可以入去坐低，非常之不方便。第三， 眼先店內有較舒服嘅卡位， 店員指出卡位係 reserved比排在我們後面的顧客, 所以未能給我們坐。 安排我們一行五人坐門口位， 但我哋食咗大概45分鐘都見唔到有人坐卡位， 我懷疑被員工欺騙， 員工的動機係為咗方便他們工作 。第四， 員工安排嘅位置係冷氣機滴水位第五， 我要求員工攞一隻吉杯， 一位年輕女員工態度冷漠不友善， 比左隻未乾的水杯我，感覺好不屑幫忙旺角嚐仙 係我第一間寫負評嘅食肆， 亦都令我明白點解香港人 唔喜歡留港消費的原因