蒲頭島 (已結業)

朋友原先book左今晚7：30兩位，但我地早到左，7：05已經到左，咁好正常同前台講我地係邊個邊個book左幾點2位而家到左，而我同我朋友係同時企喺前台同佢地講嘅，所以佢地‘應該’知道我地係齊人但前枱兩位職員叫我地等陣，好啦咁我見門口企晒啲人喺度諗住裡面未入得咪等吓先囉。點知等梗嘅同時，我見到裡面係吉嘅，咁就覺得好奇怪，冇位就話要等姐，有位都要人喺門口等？？加上我地已經等左10分鐘，咁我就走去問頭先前枱嗰兩位職員我幾時入得，職員就答我‘可以入得㗎喇’，咁我就奇怪一早可以入得但點解你又叫我等，又冇人示意我地可以入呢？我就問佢地啦，點知其中一個職員就話我地book左7點半所以叫我地等，咁我就火都黎埋喇，我地一黎到兩條友已經企喺你面前話埋俾你知到左啦，我再反問佢咁係咪我book7點半但早左到有枱都唔可以入呢，職員就話因為要計時2個半鐘，天啊！stubborn 到一個點，我早到但我冇叫你俾我食4個鐘嘛，你咪照count 2個半鍾咪得囉～呢個時候好彩我朋友叫我入去坐，如果唔係我真係會問落去。成間野都係請後生仔，明顯唔係好熟手，經常聽到睇到佢地整跌野，做事唔識變通，需要改善吓。