大利茶餐廳 (已結業)

由於係大圍做Facial, 我通常都會係附近食個午餐再去做，我通常都會叫特餐, 沙嗲牛面加火腿奄烈，因為平同快手，又好味，特別係沙嗲夠香，面又煮得岩岩好，唔會太淋亦唔會太硬。另外奶茶都唔錯，夠茶味同香滑。另外我想表揚大圍大利茶餐廳既員工👏🏻👏🏻，因為曾經係2017年3月21號晚同老公係大利茶餐廳食晚飯，漏低左部IPhone 6S係餐廳，到返到屋企先知道; 即刻再返去攞既時候，幸運地員工幫忙keep住係收銀位置！失而復得真係好開心、好感恩！多謝大利茶餐廳員工既誠實及專業態度！👍🏻👍🏻👍🏻👍🏻我地會多d幫襯！