好旺角粥麵專家

回家途中路過，準備買碗炸醬魚片
麵加油菜做宵夜，向收銀姐姐話要炸醬魚片撈麵，
收銀：要咩魚片
我：有咩魚片？
收銀：有兩隻魚片
心諗玩我咩，講嚟聽下好喎
我：咁係邊兩隻呢？
收銀：鮮魚片同魚蛋粉嗰啲
我：要魚蛋粉嗰啲，加個菜，有咩菜呢？
收銀：無晒魚片喎
我：....咁加個菜，有咩菜？
收銀： 咪住，炸醬麵要大定細
我：大吖
收銀： 我依家答你，菜賣晒
心諗早知唔要啦，不過見你打晒單，算數。
當另一員工包緊外賣嗰陣，我向佢要求辣椒油，但我估唔到$51蚊嘅炸醬麵，居然連基本外賣嘅辣椒油都無，阿叔一手打開個盒，瀟灑咁一拋去我面前叫我自己落。。。。
如果味道好食的話，我接受，但同街邊廿幾蚊碗嘅分別不大，甚至別家個炸醬更好味，無下次。