影片
更多
2022-08-13
417 浏览
第一次寫食評，因為從未試過有咁差既體驗！呢間食過幾次，本身覺得食物唔算差，但今日食午餐體驗極差！今日同丈夫去食，佢叫了午餐蒸肉餅，問例湯係咩，侍應話例湯係菜乾豬肺湯，但要加$8（其他餐廳例湯都係免費），心諗都好啦難得有豬肺食，就＋$8 將飲品轉例湯， 我叫了燒鵝叉燒雙併瀨粉，要求了半肥瘦。首先到左既係湯，一黎到已經係得半滿，裡面仲有網球咁大舊煲湯瘦肉，湯只有幾啖，飲到底，連一舊豬肺都無！之後我個燒鵝叉燒雙併瀨粉到左，一望，叉燒係全瘦好似乾柴咁，無肥肉，我搵黎一位姐姐話我要既係半肥瘦，要求更換，位姐姐竟然掹大眼講大話，指係半肥瘦呀，就走左去。我再搵另一位姐姐，佢都堅持話係咁架啦，我話呢個你地點可以話係半肥瘦！就搵第3個哥仔，佢應該係負責廚房，佢先終於肯換俾我，但整體感覺已經極差！食完埋單時先記起，呢間餐廳咩都唔收只收現金，唔好話wechat/ alipay，連八達通都唔收，咁岩身上既錢，連埋$2毫子先岩岩好夠$125，就好聲好氣同收銀阿嬸講，「唔好意思，唔知你只收現金，計埋$2毫子先岩岩好」，個阿嬸即刻瞪大對眼怒視破口大罵「你俾毫子我有咩用呀！！我又唔可以找俾啲客！！唔收呀！」，嗰刻我同
呢間食過幾次，本身覺得食物唔算差，但今日食午餐體驗極差！
今日同丈夫去食，佢叫了午餐蒸肉餅，問例湯係咩，侍應話例湯係菜乾豬肺湯，但要加$8（其他餐廳例湯都係免費），心諗都好啦難得有豬肺食，就＋$8 將飲品轉例湯， 我叫了燒鵝叉燒雙併瀨粉，要求了半肥瘦。
首先到左既係湯，一黎到已經係得半滿，裡面仲有網球咁大舊煲湯瘦肉，湯只有幾啖，飲到底，連一舊豬肺都無！
之後我個燒鵝叉燒雙併瀨粉到左，一望，叉燒係全瘦好似乾柴咁，無肥肉，我搵黎一位姐姐話我要既係半肥瘦，要求更換，位姐姐竟然掹大眼講大話，指係半肥瘦呀，就走左去。我再搵另一位姐姐，佢都堅持話係咁架啦，我話呢個你地點可以話係半肥瘦！就搵第3個哥仔，佢應該係負責廚房，佢先終於肯換俾我，但整體感覺已經極差！
食完埋單時先記起，呢間餐廳咩都唔收只收現金，唔好話wechat/ alipay，連八達通都唔收，咁岩身上既錢，連埋$2毫子先岩岩好夠$125，就好聲好氣同收銀阿嬸講，「唔好意思，唔知你只收現金，計埋$2毫子先岩岩好」，個阿嬸即刻瞪大對眼怒視破口大罵「你俾毫子我有咩用呀！！我又唔可以找俾啲客！！唔收呀！」，嗰刻我同老公都呆左，我話你地咩都唔收，我身上既錢真係岩岩好，阿嬸繼續怒視我地，老公為了息事寧人，叫我坐返埋位，佢去拎錢！
我坐返低越諗越嬲，起初有諗過同老闆講，但諗深一層，根本係有咩老闆就有咩員工，同佢講佢都只會覺得員工無問題！
其實，我都知道我想俾＄2 毫子有唔著既地方，但問題係個態度，你無必要破口大罵兇個客！你可以講唔好意思我地唔收毫子，麻煩你去櫃員機拎錢返黎。而且你亦無寫唔收毫子，係法例上亦唔容許拒收毫子!!
呢種當啲客係老馮要黎幫襯既餐廳，勸大家唔好幫襯, 免得受氣。
张贴