八歌仙 (家樂坊) (已結業)

同事請食lunch，去到門口都要等左幾分鐘先至有人serve，當時食客人數唔算多大約有5枱人左右，而樓面嘅侍應大約都係有4至5個人左右。入到去覺得餐廳嘅環境算不錯。跟住我哋就揀咗每位688個餐（其實我哋都係第一次嚟食，見啲食評都唔錯，所以就嚟試吓。）初時佢哋都Sale我哋加$48任飲，因為我哋平時都唔好飲汽水，所以每人都叫咗杯嘢飲就算。過程中已經覺得佢哋啲侍應嘅態度比較差，問多句，佢哋都好似唔耐煩，咁都算啦！係我哋食到半路，就發覺杯嘢飲未嚟。就問侍應：第一個「我去跟一跟」。問第二個「冇反應」。問第三個「沖緊呀，等一等！」足足要等咗成半個鐘至嚟！好彩冇加錢「任飲」，如果唔係就😫。其實咁嘅價錢唔係底食！點解要受佢哋啲咁嘅氣？連個火鍋湯底都就嚟蒸發晒，都唔會主動過嚟加水，其實間餐廳都唔係忙，唔明白啲侍應呢埋去邊，點解啲服務可以做到咁差？一定冇下次！